Фотогалерея

 

 

Фонд Государственных материальных резервов при правительстве КР Новости

Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фондунун Түндүк аймактык башкармалыгынын Ысык-Көл облусунун Каракол шаарындагы ун тартуучу комбинатынын ачылышы боюнча пресс релиз

Подробности
Создано: 30.11.2024 08:00

    Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттигинин 2024-жылдын 27-августундагы №947-б буйругунун негизинде Ысык-Көл облусунун Каракол шаарында жайгашкан ун тартуучу комбинатынын имараты жана жанаша жаткан аянты 5 105 чарчы метр түзгөн жер тилкесин Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фондунун (мындан ары – Фонд) ыкчам башкаруусуна кабыл алган.

   Тегирмендин кубаттуулугу 60 тоннаны түзөт жана Ысык-Көл, Нарын облустарынын калкын 1- жана 2-сорттогу унга болгон муктаждыгын, ал эми түндүк-түштүк альтернативалык жолу ачылганда Жалал-Абад, Ош жана Баткен облустарынын калкынын муктаждыгын камсыздайт.

    Мамлекеттик материалдык резервдер фонду мамлекеттик резервдеги азык-түлүк буудай данын кабыл алуу, сактоо жана кайра иштетүү боюнча баардык тепкичтерин камсыздоого мүмкүндүк берет жана айылдык товар өндүрүүчүлөрүнө азык-түлүк буудай данын Мамлекеттик материалдык резервдер фондуна түз тапшырууга мүмкүндүк түзүлөт жана мамлекеттик бюджеттин каражатын үнөмдөйт.

 

 

 

 

 

Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фондунун Түштүк аймактык башкармалыгынын Ош шаарындагы мамлекеттик резервдин кампасынын ачылыш аземи болуп өттү

Подробности
Создано: 30.11.2024 03:36
     2024-жылдын 28-ноябрында Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фондунун Түштүк аймактык башкармалыгынын Ош шаарындагы мамлекеттик резервдин кампасынын ачылыш аземи болуп өттү. Мамлекеттик материалдык резервдер фондунун төрагасы Базарбай Абдыкеримович Мусабеков ачып, өз сөзүндө: республиканын азык-түлүк коопсуздугун өз убагында камсыздоо максатында, республиканын түштүк аймактарынын калкынын социалдык аярлуу катмарларын жана алыскы тоолуу айылдардын жашоочуларын, ошондой эле күч түзүмдөрүн өз убагында биринчи кезектеги маанилүү тамак-аш азыктары менен камсыздоо үчүн аталган кампанын 4000 чарчы метр түзгөн аянтына Мамлекеттик материалдык резервдер фонду биринчи жолу өз күчү менен жалпысынан 21 миллион сомго евростандарттык комплекстик оңдоп түзөө иштери жүргүзүлүп, кампанын 2 000 чарчы метр аянты бардык керектүү жабдуулар менен толук камсыздалып, азыркы учурда кампада 1-сорттогу ун, кумшекер, өсүмдүк майы жана консерваланган эт сакталып тургандыгын, ошону менен бирге мамлекеттик материалдык резервдин жооптуу сактоочу ишканалары жана шаардык мэриялар, райондук мамлекеттик администрациялар аркылуу республиканын бардык аймактарында азык-түлүктөрдү базар баасынан төмөн баада сатуу иштерин улантылаарын билдирди.
Андан соң Кыргыз Республикасынын Президентинин Ош облусундагы ыйгарым укуктуу өкүлүнүн биринчи орун басары Курбанбек Гайыпбекович Айтибаев кампанын ачылышы менен куттуктап өттү.
 
 
 

7-8- ноябрь Тарых жана Ата-бабаларды эскерүү күнүнө, Кара Кыргыз автономиялуу облусунун түзүлгөндүгүнө, мамлекеттик тил жөнүндө Мыйзамынын кабыл алынгандыгынын 35 жылдыгына карата Фонддун төрагасы Б.А. Мусабековдун куттуктоосу

Подробности
Создано: 30.10.2024 11:16

  

 Урматтуу кесиптештер! 

   Бүгүн биз өтө маанилүү күндөрдү  – Тарых жана ата-бабаларды эскерүү күнүн, Кара Кыргыз автономиялуу облусунун түзүлгөндүгүнүн 100 жылдыгын жана “Кыргыз Республикасынын мамлекеттик тили жөнүндө” Кыргыз Республикасынын Мыйзамынын кабыл алынгандыгынын 35 жылдыгын белгилеп жатабыз. Баарыңыздарды ушул улуу майрамдар менен чын дилимден куттуктаймын!

   Тарых жана ата-бабаларды эскерүү күнү – биздин элдин өткөнүн, тарыхый окуяларын эскерип, ата-бабаларыбыздын эрдигин даңазалоо менен келечек муундарга таалим-тарбия берүүчү учур.

  Тарых жана ата-бабаларды эскерүү күнү Кыргызстанда элдин өткөн доорлордогу тагдыры, кыйынчылыктары жана жеңиштери жөнүндө ой жүгүртүп, аларды урматтоо максатында белгиленет. Өткөндү унутпоо, тарыхый сабактарды эске алуу – ар бир улуттун келечеги.

  Бүгүн биз Кыргызстандын тарыхындагы маанилүү окуялардын бири - Кара Кыргыз автономиялуу облусунун түзүлгөндүгүнүн 100 жылдыгын да белгилеп жатабыз. Бул дата биздин мамлекеттүүлүгүбүздүн, эгемендүүлүккө болгон умтулуубуздун маанилүү этабы болуп эсептелет.

   1924-жылы 14-октябрь Советтик бийлик Борбордук Азиядагы улуттук-аймактык бөлүштүрүүнүн алкагында Кара Кыргыз автономиялуу облусун негиздеген. Бул кадам Кыргыз элинин мамлекеттүүлүктү калыбына келтирүүгө болгон алгачки аракеттеринин бири болуп калды. Ал кезде аймак РСФСРдин курамында болгон жана келечектеги Кыргыз ССРринин пайдубалы катары кызмат кылган.

   Буга чейин кыргыздар тарыхыйй калыптанган көчмөн жашоо образы менен жашап, ар кандай саясий жана экономикалык факторлордун таасиринен улам ар башка хандык жана империялардин курамында жашап келген.

   Ошону менен бирге эле Кыргыз тили мамлекеттик макамга ээ болгонуна быйыл 35 жыл болду. 1989-жылы 23-сентябрда “Кыргыз ССРинин мамлекеттик тили жөнүндө” мыйзам кабыл алынып, андан кийин кыргыз тилине мамлекеттик тил макамы берилген.

   Кыргыз тилине мамлекеттик тил макамынын берилиши-адилеттүүлүктү калыбына келтирүүгө, ошону менен бирге коомдун руханий жаңылануусуна, жаңыча ой жүгүртүүсүнө, эне тилдин кадырын көтөрүүгө ташталган зор кадам болгон.

   Ата-бабадан калган улуу мурасыбыз, улутубузду улут кылып келе жаткан куралыбыз — бул мамлекеттик тилибиз. Ар бир улуттун негизги өзгөчөлүктөрүнүн бири, элдин элдүүлүгүн, иденттүүлүгүн, улутун аныктаган бул анын — тили.

   Кыргызстандын ар бир жараны мамлекетти сыйлап, анын тилин, маданиятын, тарыхын сактоого, мекенчил  болууга аракет кылып, кийинки муунга үлгү болуубуз керек.

 Дагы бир жолу майрамыңыздар кут болсун! 

 

Пресс релиз

Подробности
Создано: 30.10.2024 11:03

   2024-жылдын 30-октябрында 7-8- ноябрь Тарых жана Ата-бабаларды эскерүү  күнүнө, Кара Кыргыз автономиялуу облусунун түзүлгөндүгүнүн 100 жылдыгына, “Кыргыз Республикасынын мамлекеттик тили жөнүндө” Кыргыз Республикасынын Мыйзамынын кабыл алынгандыгынын 35 жылдыгына арналган Мамлекеттик материалдык резервдер фондунда салтанаттуу иш-чара өттү.

     Ушул белгилүү тарыхий майрамдардын алдында Фонддун жетекчилиги жалпы жамаатты Тарых жана ата-бабаларды эскерүү күнү, Кара Кыргыз автономиялуу облусунун түзүлгөндүгүнүн 100 жылдыгы жана “Кыргыз Республикасынын мамлекеттик тили жөнүндө” Кыргыз Республикасынын Мыйзамынын кабыл алынгандыгынын 35 жылдыгы менен куттуктады.

   Бүгүнкү үч майрам жөнүндө кыска баян жасалды жана кыска видеотасма көрсөтүлдү.

   Ушул улуу майрамдарды эскерүүгө карата арналган кызматкерлердин көркөм окуусу, атайын сахналаштырылган тарыхий эпизоддор көрсөтүлдү. Фонддун кызматкерлери тарабынан “Кыргыз калкым” деген ыр жаңырды.

    Бул салтанаттуу жыйынга Кыргыз Республикасынын маданиятына эмгек сиңирген Этно ырчы Дамира Ниязбекова жана биздин Кыргыз Улуттук консерваториясынын жаш студенти Толгонай Сариевалар келип, комуздун коштоосунда кыргыздын патриоттук жана элдик  чыгармаларын аткарышты.

 

Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фондунун төрагасы Б.А.Мусабековдун “Улгайган адамдардын эл аралык күнү” менен куттуктоосу

Подробности
Создано: 04.10.2024 03:08

Урматтуу улуу муундун өкүлдөрү,

    Улгайган адамдардын эл аралык күнү менен Фонддун жамаатынын атынан жана жеке өзүмдүн атымдан чын дилимден куттуктайм!

 “Карысы бардын ырысы бар”, “Карынын сөзүн капка сал” деп кыргыздар эзелтеден бери улгайган адамдарды терең урматтап, аларга өзгөчө аяр мамиле жасап келишкен. Муундардын тыгыз байланышын сактоо менен аталардын улуу жолу уланат. Улуулардын бата-тилектерин алып, келечекке аттанган улуу салтыбыз түбөлүк жашай берсин!

  Бүгүнкү күндө көпчүлүгүңүздөр жашыңар жетип калганына карабастан, өндүрүштө жана коомдук иштерде иштөөнү улантып, жигердүү жашап жатасыздар. Сиздер өсүп келе жаткан муунга жоомарттык жана максатка умтулуунун үлгүсү боло аласыздар.

  Сиздерге бекем ден соолук, узун өмүр, тынчтык, бактылуу жашоо жана уул-кыздардын сый-урматын каалайм!

Кыргыз Республикасынын Өзгөчө кырдаалдар

 министрлигине караштуу Мамлекеттик

материалдык резервдер фондунун төрагасы                             Б.А.Мусабеков

 

Мамлекеттик материалдык резервдер фондунун төрагасы Б.А. Мусабековдун мамлекеттик тил күнүнө карата куттуктоосу

Подробности
Создано: 23.09.2024 11:14

 Урматтуу мекендештер! Сиздерди бүгүнкү Мамлекеттик тил күнү менен куттуктайм!

   Кыргыз тили мамлекеттик макамга ээ болгонуна быйыл 35 жыл болду. 1989-жылы 23-сентябрда “Кыргыз ССРинин мамлекеттик тили жөнүндө” мыйзам кабыл алынып, андан кийин кыргыз тилине мамлекеттик тил макамы берилген.

   Кыргыз тилине мамлекеттик тил макамынын берилиши-адилеттүүлүктү калыбына келтирүүгө, ошону менен бирге коомдун руханий жаңылануусуна, жаңыча ой жүгүртүүсүнө, эне тилдин кадырын көтөрүүгө ташталган зор кадам болгон.

   Ата-бабадан калган улуу мурасыбыз, улутубузду улут кылып келе жаткан куралыбыз — бул мамлекеттик тилибиз. Ар бир улуттун негизги өзгөчөлүктөрүнүн бири, элдин элдүүлүгүн, иденттүүлүгүн, улутун аныктаган бул анын — тили.

   Мамлекеттик тилде сүйлөп, эне тилдин өркүндөшүнө салым кошуу ар бирибиздин ыйык милдетибиз.

   Улуттун келечеги - тилинде” демекчи эртеңки келечек үчүн Кыргызстандын ар бир жараны мамлекетти сыйлап, анын тилин, маданиятын, тарыхын сактоого, мекенчил  болууга аракет кылып, кийинки муунга үлгү болуубуз керек.

 Дагы бир жолу майрамыңыздар кут болсун!