Фотогалерея

 

 

Фонд Государственных материальных резервов при правительстве КР Новости

2023-жылдын жыйынтыгы менен салтанаттуу жыйын болуп өттү

    Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фондунда 2023-жылдын жыйынтыгы менен салтанаттуу жыйын болуп өттү. Жыйынды Фонддун төрагасы Мусабеков  Базарбай Абдыкеримович  ачып,  2023-жыл Фонд үчүн өтө жемиштүү жана көптөгөн ийгиликке жетишкен жыл болгондугуна кеңири токтолуп,  кирип келген жыл кут берекесин чачкан, ырыскысын мол тартуулаган жылдардан болуп,  экономикабыз ар тараптан өсүп өнүгүп, элибизде бекем эрк, ынтымак жана биримдик болсун деген тилегин билдирди.

   Ошондой эле Фонддун кызматкерлеринин арасында өз ишмердүүлүгүн мыкты аткарган кесипкөй кызматкерлерге министрликтин Ардак грамотасын жана баалуу белектерин тапшырды.

Урматтуу Кыргызстандыктар!

Ала-Тоо деген керемет жерди Мекен туткан жердештер!

Сиздерди кирип келген жаңы -2024-Жылыңыздар менен жеке өзүмдүн жана Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фондунун эмгек жамаатынын атынан чын дилимден куттуктап кетемин!

 Сапарын карыткан 2023-жыл Кыргыз мамлекети үчүн тарыхый окуяларга бай келген, экономикалык өсүүлөрдү ичине камтыган, бакубат жашоонун алгылыктуу кадамдарын таасын айкындаган куттуу жыл боло алгандыгын баарыбыз сездик. Эң башкысы жергебиздеги тынчтыкты бекем сактап калуу, көп улуттан куралган калкыбыздын ынтымагы менен биримдигин чыңдоо, алга жылуу аракеттери тынымсыз жүрүп турду. Алардын катарында биздин эмгек жамаатта да алгылыктуу жумуштар аткарылды. Мамлекетибиз үчүн таза жана ак иштер жасалып,  жаратмандыктар жаралды. Андыктан мындай саамалыктар, жетишкендиктер, ийгилик менен жаңылануулар жаңы жылда да колго алынып, кирип келген жылыбыз кут берекесин чачкан, ырыскысын мол тартуулаган жылдардан болсун деген  тилегимди билдиремин.

         Адатта чыгыш календары боюнча тастыкталган “ажыдаар” жылында оттой жалындаган жакшы иштер жаралат деп айтылат. Мамлекетибиздин келечегин түзгөн жаштарыбыз алоолонгон от сымал элибиздин жакшы жашоосунда жалындуу эмгек жасашсын. Улуу муундарыбыз калыстыгынан тайбай, туура жол көрсөтүп, өлкөбүздү биргеликте өнүктүрүүнүн аракетин көрүшсүн. Жергебизде тынчтык менен бейпилдиктин туусу бийик көтөрүлүп, экономикабыз ар тараптан өсүп өнүксүн. Элибизде бекем эрк, ынтымак жана биримдик болсун!

  Жаңы Жылыңыздар менен!

Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фондунун төрагасы Б.А.Мусабеков

Мусабеков Базарбай Абдыкеримовичтин Айтматовдун иш чарасында сүйлөгөн сөзү

         Биз бүгүн эң маанилүү жана кайталангыс ирмемдерди өткөрүп жатабыз. Анткени Кыргыз Республикасынын Эл жазуучусу, Социалисттик Эмгектин Баатыры, Кыргыз Республикасынын Баатыры, Дүйнөлүк сүрөт академиясынын, Европа илими, тарых жана  адабият академиясынын, Кыргыз Республикасынын Улуттук  илимдер академиясынын,  башка академиялардын ардактуу мүчөсү, Ленин жана СССРдин, Кыргыз  Республикасынын мамлекеттик  сыйлыктарынын,  Эл достугу, Эмгек Кызыл Туу,  I даражадагы “Манас” орденинин,  дүйнөнүн көп өлкөлөрүнүн жогорку мамлекеттик сыйлыктарынын ээси, залкар адам Чынгыз Айтматов мындан 95 жыл мурда  кыргызды ааламга таанытар, кыргыз деп ураан чакыраар уулубуз жарык дүйнөгө келген.  Анын чыгармалары эң көп окулган жазуучулардын бири.  Анын китептери 180ге жакын тилге которулуп,  70 миллиондон ашык нуска менен басылган.

         Айтматовдун 90 жылдыгына карата ТүркСОЙ уюму 2018-жылды “Айтматов жылы” деп атаган. Айтматовдун атын алгач алыска тааныткан повести “Жамийла” болгон (1958).  Француз жазуучусу Луи Арагон өз эне тилине которуп аны “махабат тууралуу эн сонун баян” деп баалаган.

         Аны дүйнөлүк жазуучулар Евгений Евтушенко,  Мухтар Шаханов,  Олжас Сулейманов, Мумин Каноат, Мустай Карим, Расул Гамзатовдун катарына коюшат.  Анын чыгармаларын динине, улутуна карабай окушат.  Залкардын дагы бир өзгөчөлүгү - ал баарын экология менен тыгыз байланышта карайт.  Каймана мааниде, философиялык планда берет. Анын чыгармалары  искусствонун бардык  түрлөрүндө жашап жатат.  Бардык чыгармалары кинолордо тартылды.  Музыка жагында симфониялар, обондуу ырлар жазылды.  Бул киши философ, ойчул да болгон.  Жашоодо өзү да  жөнөкөй, кичипейил, айкөл болгондугун замандаштары белгип жүрүшөт. Ар бир чыгармасы жанылык алып келген классика. Чыгармалары Кытайда миллиондогон нускада чыгып, мектептерде окутулуп жатат. Англияда бир миллиард киши окуйт.  Аз элден гений чыгарын Айтматов далилдеди.  Толстой, Хемингуэй, Шекспирге тең келе турган Айтматов чыкты.

         Чынгыз ааламы дагы да жер шаарын аралай берет.  Анын ысымы кылымдар жашайт.  Ал тууралуу илимий эмгектер, кинотасмалар жаралат. Ысмы Ала Тоонун ар  бурчуна,  көчөлөргө, мектептерге,  айылдарга, район, шаарларга коюлат. Кыргыз барда, Чынгыз өлбөйт түбөлүккө жашайт.

Кыргыз тили -биримдик менен достуктун тили

Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фондунун төрагасы Мусабеков Базарбай Абдыкеримович Фонддун  кыргыз тил боюнча тесттен өткөн кызматкерлерин куттуктап аларга сертификаттарды тапшыруу менен мамлекеттик тилди мындан ары да өнүктүрүүгө чоң салым кошуп,  кыргыз тилин кеңири жайылтууга күч жумшап, мамлекетибизге талыкпай кызмат кылууга чакырды.

Тил - улуттун баа жеткис зор байлыгы,  улуттардын ортосундагы байланыштын, пикир алышуунун, ал улуттун мүнөзүн, өз алдынчалыгын айкындай турган  куралы экендигин баса белгилеп өттү.

 

 

 

 

“Чынгыз Айтматов - кылым адамы”

Мамлекеттик материалдык резервдер фондунун төрагасы Мусабеков Базарбай Абдыкеримович Кыргыз Эл жазуучусу Чынгыз Айтматовго таандык “Сени тааныгандар жашап жатканда - сен тирүүсүң”, “Өткөндү эстеп, келечекти күтө билгендигибиз үчүн биз барбыз”, “Биз дүйнөнү өзгөрттүк, дүйнө бизди өзгөрттү”,  «Адамга эң кыйыны - күн сайын адам болуу» деген улуу сөздөр менен Чынгыз Айтматовдун 95 жылдыгына арналган экинчи  иш-чараны ачык деп жарыялап,  кыскача баяндама жасады. Анда аалам алпы аталган, кыргызды кыргыз катары дүйнөгө тааныткан Чынгыз Айтматовдун өмүр жолуна, чыгармачылыгына жана анын дүйнөлүк маанидеги ордуна токтолуп кетти.

Андан соң  Чынгыз Айтматов жөнүндө фонддун  Персоналдар жана документтер менен иштөө бөлүмүнүн жамааты  тарабынан  атайын даярдалган видеоролик көрсөтүлүп, Айтматовдун чыгармаларынан  суроо-жооптор уюштурулду.

Укуктук камсыздоо бөлүмү Айтматовдун чыгармаларындагы башкы орунда турган  сүйүү темасына кайрылышты. Адам баласынын жашоосун уланткан ыйык сезимдер, аруу махабат жагдайында ырлар окулуп, чыгармалар аткарылды. Мында Айтматовдун чыгармаларынын негизинде тартылган кинотасмалардагы музыкалар аткарылып жатты.

Ал эми Мамлекеттик резервди эсепке алуу жана контролдоо бөлүмүнун жамааты Айтматовдун  чыгармаларынан  үзүндүлөрдү көркөм окуп беришти.

Мамлекеттик материалдык резервдер фондусунун жамааты  уюштурган кече кызыктуу өттү жана ага активдүү катышып, суроо-жоопторго туура, так жооп бергендер жана конкурска катышкандарга Айтматовдун китептери белекке берилди.

 

Урматтуу мекендештер!

 

         Сиздерди кирип келе жаткан 2022-жаңы жылыңыздар менен чын дилимден куттуктайм!

         Жаңы жылдык майрамдар – бул жаркын келечекке болгон ишеним, ар бир адам өзүнө жаңы максаттарды жана милдеттерди коюп, жаңы жылда сөзсүз түрдө аткарылышы керек болгон каалоолорду жараткан учур. Келиңиздер биз да жаркын үмүттөр менен эң жакшы тилек максаттарды айтып, жаңы жылды тосуп алалы.

Подробнее...