Фотогалерея

 

 

Фонд Государственных материальных резервов при правительстве КР Новости

Улуттук тазалык күнү

Подробности
Создано: 12.04.2024 10:33

Кыргыз Республикасынын Президентинин 2023-жылдын 6-сентябрындагы №305 “Улуттук тазалык күнү жана 2023-2025-жылдар мезгилинде тиричилик калдыктарын иштетүү боюнча натыйжалуу инфраструктураны түзүү боюнча иш-аракеттер планы жөнүндө” Жарлыгын ишке ашыруу максатында 2024-жылдын 6-апрелинде Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фондунун төрагасы Мусабеков Базарбай Абдыкеримовичтин жетекчилиги алдында фонддун кызматкерлери Биринчи май районуна караштуу Республика 1 көчөсүндөгү паркты тазалоо иштерин жүргүзүштү.

Кыргыз Республикасынын Жогорку Кеңешинин “Ишеним” фракциясынын көчмө жыйыны болуп өттү

Подробности
Создано: 12.04.2024 10:11

Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фондунда “Мамлекеттик материалдык резерв жөнүндө” Кыргыз Республикасынын Мыйзамынын аткарылышы тууралуу Кыргыз Республикасынын Жогорку Кеңешинин “Ишеним” фракциясынын көчмө жыйыны болуп өттү.

Мамлекеттик камсыздандыруу уюмунун Юридика бөлүмүнүн начальниги Нишанов Улугбек Хасанович менен жолугушуу болуп өттү

Подробности
Создано: 12.04.2024 06:17

2024-жылдын 1-апрелинде Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фондунун төрагасынын орун басары Тиленов Уланбек Эгембердиевич жана бардык бөлүмдүн начальниктеринин катышуусунда Мамлекеттик камсыздандыруу уюмунун Юридика бөлүмүнүн начальниги Нишанов Улугбек Хасанович менен жолугушуу болуп өттү. Биринчи маселе камсыздандыруу маселеси каралып, Мамлекеттик камсыздандыруу уюму тарабынан жүргүзүлүп жаткан иш-чаралар боюнча кеңири маалымат берди.

 

Урматтуу асылзат апалар, айымдар, эже-карындаштар!

Подробности
Создано: 07.03.2024 09:38
   Урматтуу асылзат апалар, айымдар, эже-карындаштар!
Сиздерди, 8-март - Аялдардын эл аралык күнү менен чын дилимден куттуктайм!
Жер жарылып, көк чыгып, теребел көрктөнө баштаганда биздин мээрман энелерибиз, айымдарыбыз, эже-карындаштарыбыз өз майрамын белгилеп келет.
   Урматтуу Айымдар!
Дагы бир жолу майрамыңыздар менен куттуктаймын!
Сиздердин мээрим, сиздердин жылуулук менен дүйнө бүтүн, дүйнө сулуу болуп жашоо уланат.
Сиздер бар жерде ынтымак-ырыскы, тартип, тынчтык, береке жылоолойт!
Ар бир аялзатына бекем ден-соолук, үй-бүлөлүк бакыт, назиктик жана сулуулук каалаймын!
Бар болуңуздар, алтын саамай асылзаадалар!
 

2023-жылдын жыйынтыгы менен салтанаттуу жыйын болуп өттү

Подробности
Создано: 08.01.2024 09:03

    Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фондунда 2023-жылдын жыйынтыгы менен салтанаттуу жыйын болуп өттү. Жыйынды Фонддун төрагасы Мусабеков  Базарбай Абдыкеримович  ачып,  2023-жыл Фонд үчүн өтө жемиштүү жана көптөгөн ийгиликке жетишкен жыл болгондугуна кеңири токтолуп,  кирип келген жыл кут берекесин чачкан, ырыскысын мол тартуулаган жылдардан болуп,  экономикабыз ар тараптан өсүп өнүгүп, элибизде бекем эрк, ынтымак жана биримдик болсун деген тилегин билдирди.

   Ошондой эле Фонддун кызматкерлеринин арасында өз ишмердүүлүгүн мыкты аткарган кесипкөй кызматкерлерге министрликтин Ардак грамотасын жана баалуу белектерин тапшырды.

Урматтуу Кыргызстандыктар!

Подробности
Создано: 25.12.2023 09:36

Ала-Тоо деген керемет жерди Мекен туткан жердештер!

Сиздерди кирип келген жаңы -2024-Жылыңыздар менен жеке өзүмдүн жана Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фондунун эмгек жамаатынын атынан чын дилимден куттуктап кетемин!

 Сапарын карыткан 2023-жыл Кыргыз мамлекети үчүн тарыхый окуяларга бай келген, экономикалык өсүүлөрдү ичине камтыган, бакубат жашоонун алгылыктуу кадамдарын таасын айкындаган куттуу жыл боло алгандыгын баарыбыз сездик. Эң башкысы жергебиздеги тынчтыкты бекем сактап калуу, көп улуттан куралган калкыбыздын ынтымагы менен биримдигин чыңдоо, алга жылуу аракеттери тынымсыз жүрүп турду. Алардын катарында биздин эмгек жамаатта да алгылыктуу жумуштар аткарылды. Мамлекетибиз үчүн таза жана ак иштер жасалып,  жаратмандыктар жаралды. Андыктан мындай саамалыктар, жетишкендиктер, ийгилик менен жаңылануулар жаңы жылда да колго алынып, кирип келген жылыбыз кут берекесин чачкан, ырыскысын мол тартуулаган жылдардан болсун деген  тилегимди билдиремин.

         Адатта чыгыш календары боюнча тастыкталган “ажыдаар” жылында оттой жалындаган жакшы иштер жаралат деп айтылат. Мамлекетибиздин келечегин түзгөн жаштарыбыз алоолонгон от сымал элибиздин жакшы жашоосунда жалындуу эмгек жасашсын. Улуу муундарыбыз калыстыгынан тайбай, туура жол көрсөтүп, өлкөбүздү биргеликте өнүктүрүүнүн аракетин көрүшсүн. Жергебизде тынчтык менен бейпилдиктин туусу бийик көтөрүлүп, экономикабыз ар тараптан өсүп өнүксүн. Элибизде бекем эрк, ынтымак жана биримдик болсун!

  Жаңы Жылыңыздар менен!

Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фондунун төрагасы Б.А.Мусабеков